Yağlı dəri və ona necə qulluq etməli

Yağlı dəri, xüsusi və müntəzəm baxım tələb edən dəri tipidir. Yağlı dəriyə düzgün qulluq etmək üçün ilk öncə bu sahədə bir mütəxəssislə məsləhətləşib, sizə uyğun gələcək kosmetik vasitələr və prosedurlar seçmək vacibdir. Məhz bu cür siz hüceyrələrin yenilənməsi prosesini sürətləndirə və dərinizi maksimum nəmləndirə biləcəksiniz.

Yağlı dəri haqqında ümumi məlumat

Yağlı dəri — sebumun həddindən artıq istehsalı ilə fərqlənən dəri növüdür. Bu problem hər yaşda kişilərdə, qadınlarda və hətta uşaqlarda belə ola bilər. Yağlı dəri problemi ilə ən çox 25 yaşadək gənclər rastlaşır. Əksər hallarda, zaman keçdikcə və hormonal fon normallaşdıqca yağlı dəri qarışıq dəri ilə əvəz edilir. Lakin siz genetik olaraq yağlı dəriyə meyilli olduğunuzda bu problem həyatınız boyunca davam edə də bilər.

Yağlılıq əlamətləri əsasən üzün T-zonasında (çənə, burun və aln) yaranır, çünki yağ bezləri ən aktiv şəkildə məhz bu bölgələrdə fəaliyyət göstərirlər. Lakin, buna baxmayaraq, baş və bədəndə də yağlı dəri halları ilə qarşılaşmaq mümkündür.

Yağlı dərinin səbəbləri

Sebum istehsalını tənzimləyərək, yağlı dərinizi normal görünüşə qovuşdura bilərsiniz. Problemi effektiv şəkildə həll etmək üçün sebumun hansı səbəbdən artıq həcmdə istehsal olunduğunu təyin etmək mütləqdir.

Bu problemin 7 əsas səbəbi ola bilər:

• Hormonal faktor. Yetkinlik dövründə yağlı üz dərisindən bir çox yeniyetmə əziyyət çəkir. Bu problem hormonal sıçrayış dövründə yağ bezlərinin işindəki dəyişikliklərlə əlaqədardır. Cinsi hormonların intensiv istehsalı yağ istehsalının aktivliyinə də təsir edir.
• Hidrobalansın pozulması. Susuzluqdan əziyyət çəkən dəri sebum ifrazının artmasına səbəb olur. Nəm çatışmazlığı zamanı dərinin hidrolipid qoruyucu balansı pozulur, nəticədə epidermis sebumun istehsalını artıraraq, təbii şəkildə bərpa olmağa çalışır.
• Genetik meyillilik. Təəssüf ki, yağlı dəri növü bir çox hallarda nəsildən-nəsilə keçə bilər. Valideyn yağlı dəri problemindən əziyyət çəkirsə, uşağın da bu problemlə qarşılaşacağı ehtimalı yüksəkdir. 
• Yanlış qulluq. Dəri tipinə uyğun olmayan, aqressiv maddələr (spirt, antiseptik) ehtiva edən, qulluq məhsullarının istifadəsi, bərkimiş hüceyrələrin sərt skrablarla aradan qaldırılması – bütün bunlar epidermisin həddindən artıq sebum istehsalına səbəb olur. 
• Ətraf mühitin mənfi təsiri. Məsələn, Bir çox insan günəşin sızanaqları quruda biləcəyinə və yağlı dərinin vəziyyətini normallaşdıra biləcəyinə inanır, lakin bu heç də belə deyil. Günəşdə qaraldığınızdan sonra dərinizdə yaxşılaşmaya doğru dəyişikliklər baş versə də, effektin müddəti qısa sürəcək. Sonra ultrabənövşəyi radiasiyanın təsiri altında problemli dəri artan yağlılıq və sızanaqların kəskinləşməsi ilə qarşılaşacaq. Ətraf mühitin çirklənməsi də yağlı dərinin vəziyyətinə mənfi təsir göstərir: zərərli hissəciklər məsamələrdəki yağ ilə qarışaraq, səpgilərin artmasına səbəb olur.
• Stress və yuxu çatışmazlığı. Stress zamanı bədənimizdə yağ bezlərinin hiperplaziyasına səbəb olan stress hormonunun – kortizolun sintezi artır.
• Yanlış qidalanma. Dəri qida çatışmazlığına və ya yağlı, ədviyyatlı, şirin, duzlu, hisə verilmiş yeməklərin rasionda artmasına hər zaman reaksiya verir. Çalışın pəhrizinizi elə tənzimləyin ki, tərkibində mütləq şəkildə tərəvəz, meyvə, yağsız ət və balıq olsun.

Yağlı dərinin əlamətləri

Həddindən artıq parıltı yağlı dərinin ən çox tanınan, lakin yeganə əlaməti deyil:

• Qalın epidermis;
• Solğun rəng və qeyri-bərabər dəri səthi;
• Məsamələr genişlənmiş, yağ bezləri aktiv və artıq sebum istehsal edəcək vəziyyətdədir;
• Dəri səthində problemlər əmələ gəlir: səpgi, qara nöqtələr, komedonlar.

Yağlı dərinin müsbət və mənfi tərəfləri

Qeyd etmək lazımdır ki, yağlı dərinin həm müsbət, həm mənfi tərəfləri mövcuddur. Gəlin ilk öncə zərərlərini sadalayaq: dərinin qalınlaşması, sızanaqların, qara nöqtələrin və səpgilərin yaranması, məsamələrin genişlənməsi, makiyajın dəri səthində qısa müddətdə qalması. Lakin, buna baxmayaraq, yağlı dərinin üstünlükləri də var: dərinin qırışlara daha az meyilliyi olması, piy vəzilərinin aktiv olduğuna görə daha yaxşı qidalanması və dözümlü olması. Ümumiyyətlə, yağlı dəri çox gec qocalır, çünki qoruyucu lipid qatı ətraf mühitin neqativ təsirinin qarşısını alır və dərinin nəmliyini qoruyur. Beləliklə, yağlı dəri maksimal müddətdə hamar və elastik qalır. Adətən bu növ dəridə ilk qırışlar 40 yaşdan sonra yaranır.

Yağlı dəriyə qulluq

Stressi minimuma endirmək, düzgün qulluq vasitələrindən istifadə etmək, sağlam qidalanmaq yağlı parıltı və sebumun həddindən artıq istehsalı problemini həll etməyə kömək edəcəkdir. İndi isə yağlı üz dərisinin öhdəsindən gəlməyə nə kömək etdiyini daha ətraflı müzakirə edək.

Problem ondadır ki, sızanaq və yağlı parıltıdan qurtulmaq üçün bir çox insan yağlı dərini qurutmaq lazım olduğunu düşünür. Buna cavab olaraq dəri daha çox sebum istehsal etməyə başladayır. Buna görə də, yağlı dəri üçün onun mənfi təzahürlərini azaldacaq mərhələli qulluq seçmək vacibdir.

Dəriyə qulluq mərhələləri:

1. Təmizlənmə. Yağlı dəriyə qulluq səhər və axşam zərif, hidrolipid balansı pozmayacaq, təmizlənmədən başlayır. Bu növ dəri üçün bir məhsul seçərkən, mütləq tərkibinə də diqqət yetirin. Bunun üçün bakteriyalarla mübarizə aparmağa və sebum ifrazını tənzimləməyə yönəlmiş yağlı dəri üçün gel və ya köpük uyğundur. Nəzərə almaq lazımdır ki, istifadə etdiyiniz məhsul üz dərisini qurutmamaladır. Əks halda dəri daha da çox yağlanacaq. Üzünüzü aşağı temperaturda, lakin soyuq olmayan su ilə yuyun — bu, məsamələrin yığılmasına köməklik edəcək.
2. Aşındırma. Aşındırma dərini yeniləməyə, məsamələri təmizləməyə, ölü dəri hüceyrələrini aradan qaldırmağa və dərini daha parlaq etməyə köməklik edir. Qaydalara əsasən, pilinq effektə malik məhsullardan həftədə 1-2 dəfədən çox olmayaraq istifadə etmək lazımdır. Bunun üçün yumşaq skrablar, AHA tərkibli məhsullar, həmçinin gil və kömür ilə maskalar uyğundur. Üzünüzdə səpgi olduğu halda skrabdan istifadə etmək tövsiyə edilmir.
3. Tonlaşdırma. Hər dəfə üzünüzü yuduqdan sonra, təmizlənmə mərhələsini düzgün başa çatdırmaq üçün və dərini növbəti qulluq mərhələlərinə hazır etmək üçün tonikdən istifadə etmək lazımdır.
4. Nəmləndirmə. Bir çoxları səhvən yağlı dərinin müntəzəm nəmləndirməyə ehtiyaci olmadığını düşünür. Əslində bu yanlış bir fikirdir. Əksinə, yüngül kremlərdən istifadə etdiyinizdə, artıq sebum istehsalını da azaltmış olursunuz. Bundan əlavə, bu növ qulluq vasitələri dərini matlaşdırır, sakitləşdirir və qoruyucu baryerini bərpa edir.
   
   Yağlı dəriyə qulluq görünə biləcəyi qədər çətin bir şey deyil. Əlbəttə ki, yağlı parıltını, genişlənmiş məsamələri və sızanaqları birdəfəlik aradan qaldırmaq mümkün olmayacaq, amma düzgün seçilmiş kosmetika və qulluq həqiqətən də bir çox problemi həll etməyə kömək edəcəkdir.

Yağlı dərilər üçün pilinq

Yağlı dəriyə ən gözəl qulluq yollarından biri məhz “peeling”dir. Bu prosedurun sayəsində dəri çirklərdən azad olur, görünüşü yaxşılaşır, məsamələr açılır, dəri daha yaxşı nəfəs alır və yenilənir. Pilinq dəridəki qara nöqtələri və sızanaqları da azalda, dərini hamar edə və tonunu tənzimləyə bilər.

Mütəxəssislər tərəfindən həyata keçirilən pilinq ilə siz daha nəzərəçarpan effektə nail ola biləcəksiniz:

• Üz dərisinin rəngi və strukturu düzəlir;
• Prosedur iltihab əleyhinə təsir göstərir;
• Sebum ifrazı normallaşdırılır;
• Hialuron turşusunun istehsalı təhrik olunur;
• Dəri nəmləndirilir.

Daha yaxşı bir nəticə əldə etmək üçün pilinqi terapevtik qulluq və mezoterapiya ilə birləşdirmək olar.

Yağlı dərilər üçün kremlər və maskalar

Əgər dəriniz yağlıdırsa, krem və maskalardan istifadə etməyi də unutmayın. Bu cür məhsullar bütün çirki sovuraraq, məsamələri təmizləyəcək və dəri hasilini azaldacaq. Yves Rocher mağazalarında siz yağlı dəri üçün ideal olacaq növbənöv maskalar və kremlər tapa biləcəksiniz.

Yves Rocher brendi yağlı dəri üçün Sebo Pure Vegetal adlı xüsusi qulluq xəttini istehsal edir. Təbii tərkibli bu seriyaya məsamələrin təmizlənməsi üçün losyon, təmizləyici gel-qommaj, nəmləndirici krem, maska və lokal tətbiq üçün SOS-vasitə daxildir. Bundan əlavə, brendimizin Pure Menthe xəttinə daxil olan məsamələri təmizləyən kömür və ya gil maskasını, nanə tərkibli üz yuma gellərini, tonerlərini və miselyar sularını da sınaya bilərsiniz.

Yağlı dərinin səbəbi genetik dəyişikliklərdirsə, patologiyadan tamamilə qurtula bilməyəcəksiniz. Bu vəziyyətdə həkim yağlı dəri üçün xüsusi qulluq məhsulları (gel, krem və ya şampun) təyin edir.

Digər metodlardan istifadə edərək dərini normal vəziyyətdə saxlaya və əlamətlərin şiddətini minimuma endirə bilərsiniz. Yağ bezlərinin işini bərpa etmək və sebum ifrazını azaltmaq üçün bir çox kosmetoloji prosedurlar da mövcuddur.

Yağlı dəriyə qulluq etməkdə sizə köməklik edəcək ən keyfiyyətli məhsulları onlayn şəkildə veb-saytımızdan sifariş edə və ya filiallarımızdan birinə yaxınlaşaraq, əldə edə bilərsiniz.