Haqqımızda

60 ildən artıqdır ki, Yves Rocher-in gördüyü və təsəvvür etdiyi kimi həqiqi, təbii, mükəmməl gözəlliyi qorumağa çalışırıq. Mənşəyimizə sadiq qalaraq, biz qadınlar üçün əlçatan məhsullar istehsal edərək, onların gözəlliyini vurğulamağa davam edirik.

Biz, Yves Rocher markası olaraq 1959-cu ildən bəri heç bir vasitəçi olmadan inkişaf edir, tətqiqatlar aparır, bitkilər yetişdirir, məhsullar istehsal edir və çoxsaylı satışlar edir. Biz hər zaman Bretan təbiətinin ən gözəl bəhrəsini sizə münasib qiymətə təklif edə bilməyimiz üçün çalışırıq.

Tariximiz

Yves Rocher: 1959-dan bəri sizin təbii gözəllik dünyasına bələdçiniz

Yves Rocher. Hər kəsin yaxşı tanıdığı bu ad yalnız bir marka deyil, həm də zəngin dünya görüşü və yaradıcı təfəkkürü olan bir insanın adıdır.

1930-cu ildə Fransasının Bretan bölgəsinin La Qasilli kommunasında anadan olan bu insanın gözəllik təxəyyülü bu gün də inanılmaz dərəcədə aktualdır. 14 yaşında o, atasının qəfil itkisindən sonra hər gün təsəlli tapdığı meşəyə sığınmağa sövq etdi. Məhz o zaman balaca Yves təbiətin rifahımıza müsbət təsir göstərdiyini başa düşür.

İllər boyunca qadınları təbii qalmağa və təbiətə qovuşmağa çağıraraq Yves Rocher markasının əsaslarını müəyyənləşdirdi. Brendin təsisçisi cənab Yves Rocher öz evinin çardağında kiçik bir laboratoriya təşkil edərək, 1959-cu ildə orada ilk məhsulu olan ayçiçəyi kremini yaradır. Beləliklə də məşhur brendin tarixi başlayır.

Yves Rocher-in sözlərinə görə, o, öz uğurunu əsasən Bretan əzminə, uzaqgörənlik ruhuna və ona çox şey bəxş edən bitki dünyasına borcludur. O hər zaman deyərdi: "Elm nə qədər irəliləsə, təbiətə qayıtmaq üçün səbəbimiz də o qədər artır".

Yves Rocher bu gün

2009-cu ildə cənab Yves Rocher dünyasını dəyişəndən sonra onun təxəyyülü oğlu Jak və nəvəsi Brisin köməkliyi ilə inkişaf etdirilir və nəsildən-nəslə ötürülür. Hal-hazırda Yves Rocher brendin mağazaları dünyanın 80-dən çox ölkəsində mövcuddur.

Markanın beşiyi: La Qasilli

"Bir gün La Qasilli çiçəklənəcək və tanınacaq, söz verirəm" – bu sözlər ilə Yves Rocher öz markasının təmilini qoymuşdur.

Brendin hekayəsi təbiət və həyat keyfiyyəti, mədəniyyət və kənd təsərrüfatı, sənət və sənaye arasında tarazlıq yaratmağı bacaran və özünü biomüxtəlifliyin əsas qəhrəmanı kimi təsdiqləyən La Qasilli kommunasının tarixi ilə birləşir.

Çünki məhz burada, öz doğma kəndində Yves Rocher botanika bağını yaratdı və bu əraziyə inkişaf üçün yeni bir şans verdi. O, La Qasillini brendin ürəyi edərək, orada 55 hektar sahədə minlərlə bitki becərir. Onların faydalı keyfiyyətləri, tərkibi və dəriyə təsiri peşakar mütəxəssislər tərəfindən öyrənilir və kosmetik vasitələrdə istifadə olunur.

Təbiət sevgisindən qaynaqlanan mütəxəssislər, botaniklər və tədqiqatçılarımız nəhəng bir açıq hava laboratoriyası olar botanika bağındakı bitkiləri araşdırır, əkinçilik qaydalarına uyğun olaraq onları becərir və hidrolatları distillə edirlər – və bu hamısı ən yaxşı təbii aktiv maddələri dərinizə ötürmək üçün edilir.
Məhsullarımız vasitəsilə rifaha bənzərsiz bir yanaşma – özünə qulluq etmək və təbiətə hörmətlə yanaşmaq bacarıqlarının birləşməsini təklif edirik.

Əsas öhdəliklərimiz

Bizim üçün təbiət yalnız ilham mənbəyi deyil, eyni zamanda işimizin ürəyi və əsas qüvvəsidir. Planetə mənfi təsiri azaltmaq üçün illər boyunca real müşahidə və təcrübələrin köməkliyi ilə effektiv məhsullar yaradıb, hər zaman biliklərdən kənara çıxmağa çalışmışıq.

Biomüxtəlifliyin qorunması
Ətraf mühitə mənfi təsirin azaldılması
Planetin gələcəyinə qayğının göstərilməsi
Bitki zəkasına dəyərin verilməsi

Yves Rocher Azərbaycanda

Azərbaycan Respublikasında ilk Yves Rocher mağazası 1996-cı ildə Bakı şəhərində fəaliyyətə başlayıb. 2020-ci ildən bəri isə alıcılar marka məhsullarını, həmçinin onlayn-mağaza vasitəsilə əldə edə bilirlər. Hal-hazırda ölkəmizdə 10 marka mağazası fəaliyyət göstərir.